КАДЕ ШТО ИМА СИЛА,НЕМА ПРАВДИНА !

Иако секој ден  сите ние сме сведоци на големи неправди,ретко кога решаваме да превземеме нешто. Менталитетот  на скромното македонче кое што со векови било тортурирано и угнетувано,најверојатно како еволуирало како народ така и сфатило дека најдобро ќе опстои ако молчи и прави точно онака како што ке му се каже.Или,народски кажано овци,кај ке ги тераш таму ке одат (чест на исклучоците секако).На старт морам да посочам дека текстов нема никаква партиска позадина и дека тоа што не се согласувам со одредени личности,настани или “закони “ не ме прави опозиција.Па добро бе луѓе,што треба да ни се случи во државава за да сфатиме дека ова нигде не води,кој што сака си праи,сите газди сме. Народов отупува,главна тема на разговор се парите,колите,гардеробата од Солун, која сама по себе незначи ништо( затоа што тие што одат таму купуваат на намаление по цени горе доле исти како во Шутка),но комплексот дека мора да биде од негде oд страна и брендирана за жал владее меѓу нашево население.

Да прејдам на главното да не речам да не го тупам,деновиве се слушаат гласини дека на  Гордана Деан Поп-Христова и нејзината група Ребис им е одземен просторот во ” Културниот дом- Коцо Рацин”,затоа што така наречениот директор на горенаведеното сметал дека таа веќе не го заслужува,со образложение дека планирал да прави изложби од деца од основни школи. Па добро бре,Ребис е школа со традиција, дали знаете колку деца го поминуваат своето време таму трошејќи ја својата енергија и градејќи осет за култура и музика.Дали знае тој новопечен бизнисмен колку деца наместо на улица,го трошат своето време корисно,прават нешто со себе,не дремат по цел ден на компјутер.Дали има барем малку појма колку  деца  се насмеани и срекни после нивните концерти на кои што презентираат што работеле во текот на годината.Па што е повредно од тоа??Некоја “изложба” која ке се одржи еднаш и никогаш повеќе??Зарем е вредно да се одземе нешто што се градело со години,нешто во што е вложено многу време и знаење.Па кога ќе почне да им се вреднува трудот на луѓето кои навистина го заслужуваат тоа?

Јас сум сигурна дека госпоѓата Гордана ќе обезбеди простор и ќе  успее да го реши овој минорен проблем,минорен во споредба со проблемот во глава кој директорчето го има.Таа ја има  подршката од сите нас,луѓе кои што знаат и слушнале за нејзиниот лик и дело,луѓе кои знаат што таа прави всушност за општествово , кои не гледаат површно на работите и знаат да ценат.Сакам да верувам дека постојат сеуште добри луѓе што знаат да помогнат. А во меѓувреме, господине можете слободно да си ја задржите вашата посрана титула ДИРЕКТОР,во животот има многу поприоритетни работи од тоа.... 




                                                                                                                                   Напишано од : М.А